Lífið!

Hver er maðurinn?

Ónýtur Skóli

Glöðust í heimi!

Já sæll

Ökuníðingur hehe

Ég er ekki einu sinni komin með bílpróf en hef það strax á tilfinningunni að ég sé ökuníðingur hehe. Nei nei smá djók...hér má ég keyra á 150 km/h. Ég var semsagt í ökutíma í dag að keyra á hraðbrautinni  Vá það var geðveikt. Keyrði nú samt eiginlega bara í 130 km/h en 150 km/h til að taka fram úr. Þetta var geðveikt

Harpa snúlla átti afmæli í gær. 9 ára skottan. Til hamingju með daginn í gær Harpa mín
Gréta Þórey á 3ja ára afmæli í dag...einnig til hamingu með það sæta.

Annars voða lítið að frétta. Er gjörsamlega dottin í Grey's Anatomy , aftur hehe. Horfði á allar 3 seríurnar um jólin og er að byrja aftur núna. Hef ég hefði tíma gæti ég horft allan daginn út og inn.

Hef svo sem ekkert meira að segja....lífið hér er voða einfalt þannig lagað séð hér í Cux. Skóli, heimanám, ökutími, ökuskóli, blak, aukatímar, borða og SOFA. Frekar leiðinlegt til lengdar (það er á stefnuskránni að finna mér tíma fyrir mig sjálfa).

Adios

Nýjar myndir!!

Ég var að setja inn nýjar myndir frá Spánarferðinni inn í albúmið. Ég kemur svo smá ferðasagi (þó ekki svo nákvæm eins og um jólin ).

Miðvikudagurinn fór eiginlega bara í ferðalag...fyrst til Billund og svo til Spánar. Komumst á endanum til Mudamiento (bærinn þeirra). Fimmtudagurinn var tekin rólega fram eftir degi þar sem allir voru frekar þreyttir eftir ferðalagið. Fórum svo í göngutúr í hverfið, týndum m.a appelsínur og mandarínur. Á heimleiðinni lentum við í hálfgerðu ævintýri. Við vorum að labba yfir brú þegar allt í einu heyrist í Dúdda: ,,nei sko, þarna er veiðikassi". En þegar betur var gáð lá skartgripaskrýn í skurðinum  Því var farið heim og veiðistöngin sótt og ferðinni heitið aftur að skurðinum. Dúdda datt svo önnur hugmynd í hug. Við stoppuðum á ruslahaugunum á leiðinni, náðum í allavega 2m bambus, náðum í krók af herðatré á haugunum og  buttum það saman með vír  Þannig var ekkert mál að ná skrýninu upp. Ég held ég láti myndirnar svo bara tala sínu máli um skartgripina.

Á föstudaginn keyrðum við til Callosa de Segura. Lögðum í bænum og löbbuðum upp í fjall. Skoðuðum m.a kirkju þar sem stóð eiginlega bara á klettabrún...rosa flott. Um kvöldið fórum við svo út að borða á kínverskum veitingastað. Keyptum hlaðborð fyrir 6 með 10 réttum...mmm það var svo gott.

Á laugardainn fórum við á markað til Almoradí. Vá það var sko stór markaður skal ég segja ykkur....mismikið drasl reyndar en við gátum samt keypt aðeins

Þess á milli var svo bara legið í sólbaði í 20° hita og slappað af. Ferðin var í alla staði mjög góð og bara takk enn og aftur fyrir okkur Þórdís og Dúddi

Annars er bara allt fínt að frétta. Ég er alltaf í ökutímum sem gengur bara mjög vel. Er alltaf að keyra hér á sveitavegum á 100 km/h hehe. Fer svo einhverntíman á næstunni á hraðbrautina  bara 150 km/h takk fyrir

Læt þetta nægja í bili

Adios

Spánn, here I come!!

Hvernig finnst ykkur nýja útlitið á síðunni minni? Ég gerði það alveg sjálf!! *Stolt*

Enn og aftur að koma frí....í þetta sinn er það vetrarfrí/annaskipta frí. Ég er svoldið hrifin að þessu systemi hér í Deutschlandi með fríið. Stutt sumarfrí en fullt að smá fríum hér og þar. Núna fáum við reyndar bara 4 daga helgi en það dugar okkur nú til að skreppa aðeins til Spánar hehe. Sérstaklega þar sem ferðalagið er nú ekki langt og ferðin mjög ódýr. Fljúgum annað kvöld frá Billund í Danmörku til Alicante á Spáni. Þurfum svo að keyra í eitthvað 45mín og þá erum við komin til Þórdísar&Dúdda. Fáum meira að segja fría gistingu
Á morgum fáum við einkanirnar okkar  stress?? neinei ekkert stress hér. Ég held ég viti einkanirnar allar hehe. Þeir eru því miður ekki alveg nógu góðar og hef ég grun um að ég sé ekki langt frá falli  veit samt alls ekki hvað ég á til bragðs að taka því ég tel mig vera að leggja mig 100% fram við að gera mitt besta en nei það dugar ekki. Einhver ráð??

Ég var að hugsa um það í dag hvort það væri til einhver manneskja sem heitir Hitler með eftirnafn? Þær væri nú gaman að reyna að komast að því hehe. Ég ég mundi til dæmis giftast einhverjum sem heitir eitthvað Hitler og ég mundi svo breyta eftirnafninu mína þá héti ég Hafrún Huld Hitler  hljómar alveg ágætlega hehe, eða? Nei en svona í alvöru þá held ég að það heiti engin Hitler með eftirnafni. Ég hef samt stundum verið að grínast með Hitler (þjóðverjunum til mikillar gleði) og sagt að þriðja heimstyrjöldin muni vera kennd við mig. Ég meina önnur heimstyrjöldin og Hitler og þriðja heimstyrjöldin og Hafrún  neinei þetta er bara smá djók!

Ég held ég hætti nú bara áður en ég bulla meira hehe.

Kveðja

Hafrún Huld

Áfram Ísland!!

Leikurinn í þann mund að byrja og er því tilvalið að henda inn einu bloggi. Ég hef nú svosem ekki mikið fylgst með EM í þetta skiptið en ég sá leikin í gær og á móti þjóðverjum. ÁRAM ÍSLAND!!

Já langt síðan ég bloggaði eins og alltaf. Vona að mér sé fyrirgefið fyrst jólabloggið var svona langt hehe. Skólin gengur ágætlega þrátt fyrir að kennararnir hafi verið að refsa manni aðeins að undanförnu fyrir að tala of lítið. Ekkert við því að gera en ég mun sko ekki láta þá gera það aftur. Passiði ykkur bara kennaradruslurnar ykkar.

En það styttist í næsta frí. Við erum að fara til Spánar í næstu viku og verðum fram yfir helgina. Annars er ég nú bara í hálfgerðu fríi núna. Mjög stórt hlutfall kennara er veikur svo næstum allir tímar falla bara niður. Þarf til dæmis ekki að mæta fyrr en 12:30 á morgun og er búin 13:30. Svona er þetta búið vera alla vikuna.

Ég fór á seinustu helgi til Celle með blakstelpunum. Mátti reyndar ekki spila með en fór þeim til halds og trausts hehe. Þeim gekk ágætlega. Voru í 4. sæti af 7.

Jæja læt þetta duga í bili...hef hvort sem er ekkert meira að segja. Búið ykkur samt ekkert undir að fá blogg á næstunni hehe.

Kveðja
Hafrún Huld

Já sæll

Gleðileg nýtt ár allir saman!! 

Jæja komið ykkur nú vel fyrir því hér kemur BLOGG og það í lengra kantinum. Tja hvar skal byrja? 

Gestirnir skiluðu sér á settum tíma eftir 12 tíma ferðalag þreyttir og svangir. Sá föstudagur var bara tekin rólega, allir voða þreyttir og við Harpa komumst loksins í frí. Gestirnir sváfu langt fram á dag sem var auðvitað bara í góðu lagi. Minnir samt að það hafi verið kíkt aðeins í búðir strax fyrsta daginn hehe. 

Skötuveisla var haldin á Þorláksmessu hjá Önnu og Helga eins og alltaf. Að sjálfsögðu létum við okkur ekki vanta. Ekki voru nú allir jafn hrifnir af lyktinni og skötunni en allir skemmtu sér vel. Kíktum svo á jólamarkaðinn og fengum okkur heitt kakó/jólaglögg og pönnukökur. Jólatréð var svo skreytt um kvöldið og áttum við mjög notalega stund saman.

 
Óli, amma og Sigrún

Óskar, Odda og Andrea

Pabbi og amma

Aðfangadagur rann svo upp, bjartur og fagur. Dagurinn byrjaði rólega, ekkert stress og allir gerðu það sem þeir vildu. Þau einu sem höfðu mikið að gera var sturtan og baðkarið. Það tók alveg allan daginn að koma öllum í sturtu/bað. Seinustu jólagjafirnar voru keyptar á aðfangadagsmorgun. Pökkunum var svo skipulega raðað undir svo allir fengu pakkana sem jafnast svo ekki mundu skapast rifrildi. Á slaginu kl. 18:00 voru svo allir komnir í sparifötin og tilbúnir fyrir jólin. Í forrétt var aspassúpa ala amma Signý, í aðalrétt var svínakjöt með brúnuðum kartöflum og meðlæti og í eftirrétt ÁTTI að vera toblerone ís en ENGIN hafði list svo hann var bara borðaður um áramótin hehe. Ekki voru nú allir sáttir við að bíða þar til klukkan var orðin 20 svo pakkarnir voru opnaðir aðeins fyrr. Þeir voru reyndar svo agalega margir að um 21 tókum við pásu hehe. Allir voru hinsvegar mjög ánægðir með sínar gjafir og ég þakka bara kærlega fyrir mig og mínar gjafir. Svo aðfangadagur var eiginlega bara góður hjá okkur. Setning kvöldsins var hins vegar án efa: ,,einmitt það sem mig langaði í“! 


Signý Rós, Harpa Björk og Gréta Þórey

pabbi með gjöfina frá Hörpu

ég og amma Signý

Óli og Sigrún

Jóladagur var líka tekin rólega. Allir sváfu fram á hádegi og flestir voru á náttfötunum allan daginn. Ekki voru margir svangir í hangikjöt þegar við vöknuðum svo það var bara í boði um kvöldið. En dagurinn var samt sem áður mjög góður. 

Annan í jólum var hins vegar komið að krökkunum. Fórum til Otterndorf í leiksal fyrir börn (sem og fullorðna) á öllum aldri. Það skoppuðu þau um í allskonar tækjum allan daginn og við, þeir fullorðnu eiginlega líka. Fengum okkur svo að borða á McDonalds. 


Harpa að keyra

Gréta að renna

Mamma og pabbi að spila borðtennis

Allir í fótboltaspilinu

Svo þurfti pabbi að byrja að vinna. Hann var þó kannski bara glaður með að þurfa ekki að hanga í búðunum á meðan hehe. En það var semsagt farið annsi mikið í bæinn að versla. 28. desember fórum við til Bremen-Vegesack í verslunarmiðstöð sem heitir Havven Höft að versla. Amma og Sigrún stóðu sig best þar að versla hehe. 29. desember fór ég með Leonie til Bremen að versla (útsölur voru btw byrjaðar). Verslaði nú ekki mikið en þetta var samt gaman. Ef aldrei farið ein með einhverju öðrum en fjölskyldunni að versla til svona stórborga (ekki það að Bremen sé svo stórt). 30. desember renntum við svo í átt til Hamborgar á skíði. Ekki var þetta samt svo venjulegt skíðasvæði heldur bara brekka sem var inni með gervisnjó. Jú jú byrjendum finnst þetta örugglega bara fínt en okkur fannst þetta ekkert voða merkilegt. Samt sem áður var þetta mjög gaman og allir skemmtu sér vel. 


Skíðahöllin

Inni í skíðahöllinni

Jæja þá kom gamlársdagur. Gestirnir búnir að vera í viku og enn voru ekki nein stór rifrildri hehe. Anna og Helgi komu og borðuðu með okkur ásamt Ingu og Ínu. Við vorum samtals 14. Að þessu sinni voru reyktar gæsabringur ala Anna í forrétt og fylltar kalkúnabringur ala Óli Á ásamt meðlæti í aðalrétt. Toblerone ísinn var svo í eftirrétt ásamt búðingi. Tölvan var var svo tengt við sjónvarpið og horft var á frétta annálana og skaupið. En þar sem skaupið var á svo vondum tíma hér eða frá 11:30-12:30 þá var bæði skotið fyrr upp og líka misst aðeins af skaupinu. Kvöldið endaði svo með Nætuvaktinni hehe: ,,já sæll, eigum við að ræða það eitthvað mar?“ 


Amma og Gréta að skála fyrir nýju ári

Fjölskyldan í Cux

1.janúar fórum við fínt út að borða á einu hóteli hér. Allir skemmtu sér konunglega og allir fengu fínt að borða. 


Mamma og pabbi úti að borða

Sigrún og Óli líka

Svo eru bara allir búnir að slappa af á nýju ári. Aðeins hefur verið kíkt í búðir og svona. Á miðvikudaginn kíktum við reyndar í heimsókn til Hanrode þar sem Sigrún bjó í 3 mánuði fyrir 20 árum. Krakkarnir kíktu í fjósið og á svínin og unuðu sér vel þar. Við fengum kaffi og kökur og Sigrún sagði okkur sögur frá því í gamla daga hehe. Fólkið var með alvöru jólatré með alvöru kerti. Svoleiðist hef ég aldrei séð áður. Þetta var nú bara fínt sveita ferð! 


Allir að hlusta á Hans spila í sveitinni

rúmið sem Sigrún svaf í, í 3 mánuði

Gestirnir okkar fóru hinsvegar í morgun eftir 2 frábærar vikur. Takk æðislega fyrir samveruna amma, Sigrún, Óli, Signý Rós, Siggi Bogi og Gréta Þórey!! Ykkar verður án efa saknað hér í Deutschlandi. 

Jæja þetta varð þá ágætis blogg. Mér þætti nú ansi vænt um það ef þið nenntuð að kvitta fyrir ykkur.

Kveðja frá Cux
Hafrún Huld 

P.S: Það eru komnar jólamyndir í albúmið mitt.