Well .... tími á smá blogg, ekki langt samt.

Hollandsferðin var æðipæði. Veðrið var æði og við skemmtum okkur konunglega. Vorum reyndar ekkert mjög sigursælar en aðal málið var bara að hafa gaman af. Við töpuðum þó ekki öllum leikjunum og það sem meira er að ég spilaði aðeins með

Þó veðrið hafi verið mjög gott á daginn (fyrir utan smá rigningu) þá voru næturna ömurlegar. Ég hef sofið nokkuð oft í tjaldi en ég hef ALDREI upplifað eins mikin kulda eins og þarna. Þið trúið þessu örugglega ekki en ég svaf í 3 buxum, 2 sokkum, 3 peysum og jakka + húfa og trefill og mér var alls ekki heitt. Það er hryllilega óþægilegt að sofa þegar það er svona kalt enda held ég að ég hafi aldrei sofið eins vel og ég gerði í nótt hehe. 

Annars var ferðin bara rosa góð. Er strax farin að hlakka til næsta árs hehe.

En að aðalfréttinni. Familie Sigurðsson (eins og sumir mundu kalla okkur) er á leið til Íslands . Ekki fyrir fullt og allt heldur bara í heimsókn.
FRÁ 23. JÚLÍ - 6.ÁGÚST VERÐUM VIÐ Á ÍSLANDI!!!

Það eru komnar myndir frá Hollandi í myndaalbúmið.

Gruß
Hafrún Huld

I'm back in the bloggheim  

4 vikur í dag frá aðgerð .... hnéið næstum alveg komið í sína rétta mynd fyrir utan smá stirðleika en allt að koma. Læt hér fylgja eina mynd sem var tekin í dag.





Skólinn gengur svona lala .... vorprófatörnin að byrja núna. Er allan maí í 1,2 eða 3 prófum á viku. Við skiluðum í þarseinustu viku blaðinu um hvað fög við vildum taka próf í og svona í stúdentsprófinu. Ekki ráð nema að í tíma sé tekið. Enda vissi ég ekki hvað ég ætti að velja (er sko ekki farin að hugsa svona langt). Og svo komu auðvitað upp vandamál af því að ég er t.d ekki með frönsku og svona ýmislegt. En ég endaði semsagt á því að velja efnafræði, líffræði, ensku, trúarbragðafræði og stærðfræði. Trúarbragðafræði er nú reyndar ekki alveg mitt uppáhalds fag en ég varð að velja eitthvað í þessum geira .... hefði líka geta valið pólitík, sögu eða landafræði en ég held að trúarbragðafræði sé einfaldast. En mig langar pottþétt að velja einhver önnur fög þegar kemur að stúdentsprófi.

Við fáum 5 daga helgi um næstu helgi. Fimmtudag, föstudag og mánudag .... jibbí hlakka til. Blakið er að fara til Hollands að keppa. Ætla nú að fara með þó ég megi ekki spila .... bara svona upp á gamanið. Ég fór nú samt á æfingu í dag og spilaði smá með þó ég geti ekki hlaupið eða skutlað mér á hnéin eða eitthvað slíkt. Hugsa samt að ég byrji ekki strax í blaki aftur (bara til að hlíða læknunum). Ég má byrja að hjóla og synda um miðjan maí en fótbolta, handbolta, blak og svona getur tekið einhverja mánuði í viðbót.

Læt þetta nægja í bili ...

Tschüss
Hafrún Huld

Æi einhverntíman byrjar manni að leiðast frí til lengdar ... sérstaklega ef maður má og getur ekki gert neitt. Og einmitt svona líður mér núna. Dagurinn hjá mér í stuttu máli er svona: vakna, borða, sjónvarp, tölva, hnéæfingar, borða, læra kannski smá, sjónvarp, tölva, hnéæfingar o.s.fr. Frekar leiðinlegt til lengdar get ég sagt ykkur.

Í dag er vika frá aðgerðinni. Hnéið allt að koma til held ég bara. Er ennþá blá, marin og bólgin frá kálfa og langt upp á læri en er farin að geta lyft því og beygt aðeins (eftir að ég fann vöðvana aftur hehe). Ég persónulega kíkti fyrst á skurðina, já þeir eru tveir, í fyrradag og samtals er þetta 11 spor. Einn örugglega 8cm langur á hnéinu sjálfu og svo ca. 2cm þar við hliðina. Vona að saumarnir verði teknir úr á mánudaginn. Geta þeir ekki gróið fastir við skinnið ef þeir eru og lengi í?? 
Ég fór til læknis á miðvikudaginn og hann lét mig hafa sprautu sem á að sprautast í magann til að hindra blóðtappa og ekki nóg með það heldur þarf ég að gera það sjálf. Hmmm .... ég sagði bara: ,,jájá ekkert mál, mamma getur það örugglega" sem hún hefur líka gert en nú flækjast málin. Ma&Pa fóru til Íslands í dag og koma ekki fyrr en á sunnudaginn, já sæll á ég að sprauta mig?? Mér finnst ekkert slæmt að vera sprautuð svo lengi sem ég get horft undan en nú get ég ekki horft undan. Já spennandi að vita hvernig þetta endar í fyrramálið.

Annars er bara rólega helgi framundan ... við Harpa einar heima.

Kveð að sinni
Hafrún Huld

Bregður barni til ættar

Já ég er eiginlega bara orðlaus. Ég er búin að vera hjá óteljandi mörgum læknum vegna hnésins míns. Fór til fyrsta læknisins kl. 11 í morgun og var að koma heim frá þeim síðasta núna. Engin komst þó að sömu niðurstöðunni en sá seinansti staðfesti það. Og ekki voru það nú góðar fréttir ... fremra krossbandið mitt er rifið . Frábærar fréttir eða? Það þýðir að í næstu viku þarf ég að fara í aðgerð og allt sem henni tilheyrir. *ANDSKOTINN*. En jæja ekkert við því að gera. 4 dagar á sjúkrahúsi, ekkert Sport í 3 mánuði og eitthvað minna af skóla. Svosem ágætt að fá aðeins lengra páskafrí en það er alls ekki það sem ég þarf á að halda ... einkannirnar líta ekki svo vel út.

En nóg í bili ... 

Kveðja 
Hafrún með rifið krossband

Er komin heim ... ferðin var æði en ég nenni ekki að blogga. Er hinsvegar búin að setja myndirnar inn í albúmið.

Njótið .... kem með blogg fljótlega